臺樓 (Closed)

食物質素越嚟越差，只因為領展商場冇乜選擇所以先焗住要食。早餐嘅沙爹牛肉麵油膩到不行，成層油喺上面，夾件牛肉上嚟，件牛肉令立立令到反光 ，我經常因為太溜而食唔曬碗麵。 其實呢間餐廳煮嘅其他嘢都係好油膩，份餐肉炒蛋食完都仲有成寸厚嘅油喺碟上面。 佢哋好似買油唔使錢咁。 員工嘅服務態度 一半一半，有幾個幾好，但新請返嚟嗰啲相麻麻， 講曬唔該請佢過嚟落單都要黑我面，好似唔知得罪佢啲咩咁。 但反個收銀姐姐幾好人， 我有一次唔記得帶銀包畀錢， 我本來仲想用啲乜嘢嚟做抵押，佢話咩都唔洗，快啲去攞錢就得🤣其實抵食程度我係連一粒聲都唔想畀的。