蛇王海

Open Now

Now Closed

事隔一整年，今個冬季我仍係因手腳冰冷被「的」來食蛇羹。我胃口好，就一個人獨自食一個大size的蛇羹、一碗糯米飯兼一碗蛇湯(湯係因堂食隨蛇羹附送)。雖然人人都受經濟的心情影響，但這店仍然沒有偷工減料，我碗蛇羹至少有六大舊蛇肉，蛇肉的質感帶有嚼勁，味道不帶腥，連一向不食魚的我都覺得好味，難得羹沒有開粉開得太杰…雖然食得出有少許調味或味精，但可幸未算太渴，夠蛇肉足料我已很高興，因為有時我出面食都係得兩舊蛇肉咁大把咋！仲要混埋雞肉等等唔多等洗的配角。一齊去的同行就看著我大吃大喝，但我們都覺得水準平均，顧得掂蛇羹之餘，個糯米飯都沒煮得太差，粒粒都溫香煙韌，夠色水，還有幾粒蝦米蠟肉點綴。蛇湯仍係一貫藥材味，但唔覺有味精，咕嚕咕嚕飲晒…有機會想再食蛇羹。