148
49
47
Level3
33
0
一心去睇下佢點同滿記抗衡…
2006-01-16 10 views
食完飯，想去滿記食糖水，但出面都有，又非特別好食；行經滿記附近有甜源居廣告，又話有食神介紹，試一試啦。但位置真係好入，一行人由漁市場果邊行，當時成一點，黑媽媽一個人都冇，驚餐死，但行到去果度，又唔想返轉頭去滿記，唯有再行…一去到，人少，但真係難怪咁少人，不過環境尚算舒服。連menu有d飲食男女報導，係威係勢，係咁e食個涷白芝麻糊，因為未試過。但食左幾口食到酸味，以為涷食係咁，又未食過白芝麻糊，心想算啦。但又驚會肚痛，就問下店員。揚手好耐都冇人理，著便服、同人傾梗計既老闆娘就有少少唔耐煩咁行埋問乜事。講完後佢好似唔信咁，話未check唔知，但都換個黑芝麻過我(講真一碗咁既野有幾貴)。黑芝麻糊味道平平，唔係太甜，亦冇芝麻香。朋友食mango pudding，話mango好酸。雜誌上話佢用料上乘，不時不食，唔…另一位食合桃糊，亦係無甚特別，不過比起以上提到既兩款，佢算幸運。老遠入到去，卻不外如是，夜麻麻行入去好似探險咁，但搵唔到寶藏…換句話說，失望。後話：走時行另一邊，諗住冇咁黑，點知行左好耐好耐，好耐好耐…先至去番大街某個carpark架車度…真係…好慘！我地入返有人既地方既landmar
Read full review
食完飯，想去滿記食糖水，但出面都有，又非特別好食；行經滿記附近有甜源居廣告，又話有食神介紹，試一試啦。但位置真係好入，一行人由漁市場果邊行，當時成一點，黑媽媽一個人都冇，驚餐死，但行到去果度，又唔想返轉頭去滿記，唯有再行…一去到，人少，但真係難怪咁少人，不過環境尚算舒服。

連menu有d飲食男女報導，係威係勢，係咁e食個涷白芝麻糊，因為未試過。但食左幾口食到酸味，以為涷食係咁，又未食過白芝麻糊，心想算啦。但又驚會肚痛，就問下店員。揚手好耐都冇人理，著便服、同人傾梗計既老闆娘就有少少唔耐煩咁行埋問乜事。講完後佢好似唔信咁，話未check唔知，但都換個黑芝麻過我(講真一碗咁既野有幾貴)。黑芝麻糊味道平平，唔係太甜，亦冇芝麻香。朋友食mango pudding，話mango好酸。雜誌上話佢用料上乘，不時不食，唔…另一位食合桃糊，亦係無甚特別，不過比起以上提到既兩款，佢算幸運。老遠入到去，卻不外如是，夜麻麻行入去好似探險咁，但搵唔到寶藏…換句話說，失望。

後話：走時行另一邊，諗住冇咁黑，點知行左好耐好耐，好耐好耐…先至去番大街某個carpark架車度…真係…好慘！我地入返有人既地方既landmark係滿記…好諷刺。而西貢既landmark除左海鮮，山長水遠入去食糖水既landmark都係滿記。
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
Post
DETAILED RATING
Taste
Decor
Service
Hygiene
Value
Spending Per Head
$2