Pick Coffee by Pokka Cafe (形點 I)

Open Now

Now Closed

係隔離等咗1.5hrs餓到hihi, 去左呢度拎埋飛等15mins 就入得💯 (老老竇竇只係去過幾次yoho, 都已經感受到強烈嘅mk味，明明個商場咁靚但啲路人係會講野大大聲仲要加埋粗口...更何況等位1.5hrs嘅人企晒係度勁大怨氣)開頭見佢擺晒西餐出黎以為只有西餐，點知係西日餐廳，是但叫咗2個定食，其中一個無鵝肝，所以就退而求其次要咗冇鵝肝嘅版本豚肉定食+牛肩肉定食✔️賣相唔錯，出餐好快，牛仲可以揀幾成熟💯然後個豚肉真心乾爭爭，加埋d 汁都唔救唔返，好難食但其他野都唔錯...牛肉超好食好多肉汁湧出黎， 熱嘅蕎麥麵仲好香滑tim，2款價錢只係差20hkd🤷‍♀️我見其他食客都食得好開心，可能真係黑仔得滯個豚肉廚師煮衰咗。