溏串小町 (Closed)

終於開返晚市，身為大埔人，梗係幫襯大埔小店啦！今晚一拖二去咗溏串小町～小朋友好開心～拎張飛先～～～好快店員就招呼我哋入去，環境唔錯，坐得幾舒服。店員很友善，見小朋友坐唔定，就拎咗小手工俾佢哋玩。我終於可以安靜咁等嘢食啦！🔸兒童定食餐🔸小朋友最想食兒童餐，都幾吸引！美中不足係杯橙汁係汽水唔係果汁🥲🔸脆燒雞皮🔸估唔到幾好食，脆卜卜又鹹鹹地！一碟有三串，亞女就要食兩條！🔸火焰芝士焦糖三文魚卷🔸一口一件，甜甜地，正！🔸蛋黃醬免治雞肉棒🔸鎖都唔錯，好味！上面個醬好Juicy！🔸日式燒飯團🔸呢款普通咗少少，但好大舊～夠飽！🔸玉子壽司🔸正常味道🔸皇帝蟹棒壽司🔸正常味道🔸吉列豬扒湯烏冬🔸呢個好食，兩個小朋友都爭住食！🔸自肥甜品🔸食到最後就係食甜品啦！真係好靚！我哋嗰日無得揀圖案，店員話係會隨機，咁都多樣驚喜