Video
Read full review
2022-03-20
529 views
❝Tasting menu❞ ($888 +10% → $977)𖤐♡ seaweed brioche如果要係依一餐飯入面揀選一道mvp菜式，必然會毫無保留地選擇佢～而依個mvp嘅靈魂又在於另一樣唔起眼嘅配角—明太子牛油。布里歐（brioche）麵包極其軟綿綿、不費吹灰之力就可以撕開，香氣撲鼻，配以微微辛辣惹味、鮮味突出嘅明太子牛油，友人評價「淨係依個包都值兩粒星」，我忙於食包，只好點頭同意。𖤐♡ amuse bouche螢光魷魚配日本兵庫県蕃茄，下層以以白醬油製成啫喱。螢光魷魚係屬於春日的食材，保鮮難、處理工序多，味濃而且爽口。整體配搭清爽輕盈。𖤐♡ tuna以pancake呈現，加入辣根醬後帶有輕微到食唔出嘅刺激感。內裡除咗有吞拿亦有日本珍珠米，口感有驚喜。外層pancake皮軟身有蛋香，加些seaweed powder、mayo做點綴，味道層次豐厚。𖤐♡ scallop主角來自北海道，配合以白麵豉製成的brown butter，以及類近於焦糖般有微焦、質感順滑嘅cream享用，味蕾再次受到震撼教育！配角法國白露筍爽脆無渣，口味異常清甜，大愛～𖤐♡ fish來自日本青森県三文魚，表
𖤐
♡ seaweed brioche
如果要係依一餐飯入面揀選一道mvp菜式，必然會毫無保留地選擇佢～而依個mvp嘅靈魂又在於另一樣唔起眼嘅配角—明太子牛油。布里歐（brioche）麵包極其軟綿綿、不費吹灰之力就可以撕開，香氣撲鼻，配以微微辛辣惹味、鮮味突出嘅明太子牛油，友人評價「淨係依個包都值兩粒星」，我忙於食包，只好點頭同意。
𖤐
♡ amuse bouche
螢光魷魚配日本兵庫県蕃茄，下層以以白醬油製成啫喱。螢光魷魚係屬於春日的食材，保鮮難、處理工序多，味濃而且爽口。整體配搭清爽輕盈。
𖤐
♡ tuna
以pancake呈現，加入辣根醬後帶有輕微到食唔出嘅刺激感。內裡除咗有吞拿亦有日本珍珠米，口感有驚喜。外層pancake皮軟身有蛋香，加些seaweed powder、mayo做點綴，味道層次豐厚。
𖤐
♡ scallop
主角來自北海道，配合以白麵豉製成的brown butter，以及類近於焦糖般有微焦、質感順滑嘅cream享用，味蕾再次受到震撼教育！配角法國白露筍爽脆無渣，口味異常清甜，大愛～
𖤐
♡ fish
來自日本青森県三文魚，表面有輕輕grill過增添口感及風味。被三文魚掩藏嘅係薯蓉，薯仔原味比奶味突出但口感依然極其順滑。旁邊嘅氣泡由白酒打成，口感獨特，配以法國青豆成功令平日最討厭青豆人類完食至乾乾淨淨。
𖤐
♡ strawberry
以清酒入饌，面層先見雪芭、士多啤梨及糖漿，而底層有mousse以及糯米，口感仿似酒釀丸子，煙煙韌韌又帶酸甜味。第一啖感覺怪怪地，但越食越被吸引住，從來無試過有一道菜可以咁樣攻陷味蕾呢( ᵒ̴̶̷̤໐ᵒ̴̶̷̤ )
𖤐
♡ madeleine, chocolate & coffee
瑪德蓮蛋糕堅果味唔算突出，正中我心意～口感鬆軟，蛋香味濃。朱古力順滑甜度高，帶些微薄荷味道。latte水準甚高，咖啡豆偏nutty，又係啱口味之作。
整體黎講，以3位數價錢享受到米芝蓮二星級用餐體驗，每款菜式都以未曾想像過嘅形式呈獻驚喜，個人覺得完全值回票價。
𓂃𓈒 𓂂𓏸 用餐提示 𓏸𓂂 𓈒𓂃
餐廳整體環境比起其他米芝蓮餐廳，會比較令人輕鬆自在。staff們解說專業友善，即使聽完菜式講解後追問問題亦會一一仔細解答。最有記憶點係當staff們留意到我與友人三兩下手勢就完食咗個包，貼心又慷慨地主動送上新一個～
訂座方面由於依家只有午市，座位會比較緊張，計劃到訪嘅話最好預翻1個月或更多做好booking。另外要係網上先付deposit（$200 per head）。
𓂃𓈒 𓂂𓏸 𝐫𝐚𝐭𝐢𝐧𝐠 𓏸𓂂 𓈒𓂃
餐點味道 | ♥︎♥︎♥︎♥︎♥︎♥︎♥︎♥︎♥︎♡
抵食指數 | ♥︎♥︎♥︎♥︎♥︎♥︎♥︎♥︎♡♡
店舖環境 | ♥︎♥︎♥︎♥︎♥︎♥︎♥︎♥︎♥︎♥︎
用餐體驗 | ♥︎♥︎♥︎♥︎♥︎♥︎♥︎♥︎♥︎♡
推薦程度 | ♥︎♥︎♥︎♥︎♥︎♥︎♥︎♥︎♥︎♡
適合場景 | 二人／四人或以下聚餐﹑慶祝節日﹑in the mood for a decent meal
Post
