鴻圖樓茶餐廳

Open Now

Now Closed

喺A姐公司樓下又等咗一個鐘喇，其實接女朋友收工，最慘唔係等待，係肚餓呀！所以我決定搵間茶記食住等，嚟到位於觀塘嘅鴻圖樓茶餐廳，一支公就梗係要享受男人的浪漫啦！鴻圖樓茶餐廳24小時營業，我可以慢慢坐慢慢等，甚至買埋外賣俾A姐啦！例湯呢碗例湯雖然要另外加錢，但絕對值得。今日嘅例湯係霸王花豬骨湯，夠晒足料之餘，仲唔覺得落咗味精，對於少湯水嘅我，絕對係久違嘅幸福感。金牌豆腐火腩飯嘩！飯底超多，作為男士都肯定夠飽！另外，餐廳亦有燒臘專櫃，所以呢到嘅火腩夠晒有保證。炆過嘅火腩入晒味，而火腩皮仲好鬆化，配上一層肥一層瘦嘅火腩，口感一流呀！