Pizza Piazza

Open Now

Now Closed

好似都有段時間無食過Pizza啦，咁岩記得之前揸車經過一間荔枝角嘅Pizza餐廳，所以今日一收工就過去。因為另一半出咗trip (好掛住佢…)，所以就一支公去探店。一入到去地方雖然講唔上話好多位好大間，但佢地亦都做到座位與坐之間有一定距離，所以都坐得舒適。到order嘅時候職員見我望咗個餐牌好耐，佢就好細心咁樣同我講有二人套餐，但其實我係苦惱緊一個人應該仲嗌啲咩食，淨係食個Pizza好似太單調，所以最後嗌個甜品獎勵自己，今次自己一個就嗌咗：1）12吋瑪嘉麗塔薄餅 ⭐️⭐️⭐️⭐️ / ⭐️⭐️⭐️⭐️⭐️2）自家製意大利芝士蛋糕 ⭐️⭐️⭐️⭐️⭐️ / ⭐️⭐️⭐️⭐️⭐️瑪嘉麗塔薄餅係現製烤焗🍕所以要等20分鐘，但職員事前都有同我講聲，同埋始終啲食物熱辣辣係最好味，雖然貌似好多芝士好膩好重口味，但食落反而就相反，而個餅底厚薄適中，咬落去增加返個口感。臨尾個自家製意大利芝士蛋糕其實即係tiramisu😌濃濃嘅咖啡配搭上淡淡嘅酒味，真係如果下午食配埋杯咖啡，肯定一絕。