唐記包點 (港鐵太子站)

Open Now

Now Closed

今日有個project要趕，我在唐記太子站店，買咗我嘅一日三餐。首先，買咗三個凍菜肉包，明天蒸來做早餐，好大個，包很軟熟，材料十足，比起超級市場買的冰凍點心冷冰冰，硬掘掘， 好味飽肚更多。另外，我買咗熱辣辣燒賣及山竹牛肉做午餐，回家後馬上吃， 還是熱騰騰，很美味。 每粒燒賣有杞子在上面，用料十足。 山竹牛肉，加咗喼汁，分量超大。 食完已經好飽，再飲佢個香滑奶茶，屬於港式奶茶類別，茶味濃，奶亦滑。 不過我覺得中國茶，比較配合今日的午餐。至於晚飯我就會食佢個咖哩牛腩筋飯，個飯好大碗，飯粒一粒粒很分明，咖哩牛腩筋都幾辣，好多牛腩筋，材料十足， 絕無欺場，認真超值。