林仔茶檔 (Closed)

今日一早在油麻地做嘢，見彌敦道這間新開的茶記光猛企理，於是入去食咗個早餐，味道和價錢都滿意。到收工時和先生一同吃晚飯，唔想諗食什麼，就再入多次林仔，小菜套餐質素好高。一日兩餐林仔，值得推薦。早餐：🏅OPPA辣炒豬肉麵+火腿炒蛋+多士+熱奶茶 =（$44）韓式豬肉為千篇一律的茶記早餐帶來新意，五花豬肉片和洋蔥絲配韓國辣醬好惹味，好味道。晚餐：（配例湯和白飯）🏅欖角一字骨（$88）超級好食。這款懷舊菜已好耐無食過，甜蜜鹹香惹味，一字骨多肉不硬，食到啜手指。🏅茄子炆倉魚（$88）大大條倉魚，厚肉嫩滑；茄子軟腍入味，倉魚加茄子，就是白飯殺手。🏅例湯是青紅蘿蔔湯，濃郁滋潤的老火湯。一碗湯便看出餐廳的真材實料和誠意。