Video
Read full review
2009-05-05
73 views
4月5日, 91週月繼續快樂~因為知道呀菲好想食呢間, 而成日都full booking, 所以特登早咗一星期預訂咗, 俾咗呀菲一個驚喜~~~ 7點鐘黎到, 其實都唔係太多人, 不過張張枱都reserved咗…::: Four Cheese Quesedilla ::: $48頭盤開胃小食睇晒咁多種, 有青口, 焗薯, 雞翼~ 其他地方都有得食, 係呢個芝士比較特別, 所以叫黎試下~ 有一層薄薄嘅酥皮包住芝士, 有半個pizza嘅形狀, 不過唔係好大塊, 上面鋪滿蕃茄粒同沙律醬~有沙律菜伴碟, 賣相頗討好~ 砌開酥皮, d芝士一絲絲咁, 好creamy, 仲有4種唔同芝士混合, 感覺亦唔漏, 加埋面頭嘅蕃茄粒沙律醬, 好新鮮~ 呢個一定要熱食, 先食到酥皮嘅脆卜卜同芝士柔軟嘅質地~::: Seasame Orange Chicken (半份) ::: $49必定要叫一個salad食~! 左揀右揀, 太多選擇, 不過我驚我地食唔晒, 所以揀有半份既’芝麻橙雞’~ 其實份量都唔少, 2個人食啱啱好, 除咗沙律外, 仲有d脆片增加咗全碟沙律嘅香口程度! D沙律菜好清新, 雞肉亦十分嫩口, 配
因為知道呀菲好想食呢間, 而成日都full booking, 所以特登早咗一星期預訂咗, 俾咗呀菲一個驚喜~~~ 7點鐘黎到, 其實都唔係太多人, 不過張張枱都reserved咗…
::: Four Cheese Quesedilla ::: $48
頭盤開胃小食睇晒咁多種, 有青口, 焗薯, 雞翼~ 其他地方都有得食, 係呢個芝士比較特別, 所以叫黎試下~ 有一層薄薄嘅酥皮包住芝士, 有半個pizza嘅形狀, 不過唔係好大塊, 上面鋪滿蕃茄粒同沙律醬~有沙律菜伴碟, 賣相頗討好~ 砌開酥皮, d芝士一絲絲咁, 好creamy, 仲有4種唔同芝士混合, 感覺亦唔漏, 加埋面頭嘅蕃茄粒沙律醬, 好新鮮~ 呢個一定要熱食, 先食到酥皮嘅脆卜卜同芝士柔軟嘅質地~
::: Seasame Orange Chicken (半份) ::: $49
必定要叫一個salad食~! 左揀右揀, 太多選擇, 不過我驚我地食唔晒, 所以揀有半份既’芝麻橙雞’~ 其實份量都唔少, 2個人食啱啱好, 除咗沙律外, 仲有d脆片增加咗全碟沙律嘅香口程度! D沙律菜好清新, 雞肉亦十分嫩口, 配以芝麻醬, 少少酸得黎好香芝麻味! 唯獨是橙肉好似唔夠… 另外, 不得不提, 嗰件麵包形嘅核桃蛋糕, 我諗係掛. 非常美味, 鬆化軟熟兼食得到一粒粒香草嘅味道, 有d似提子蛋糕嗰隻質地, 真係好想再食多件~
::: Carbonara ::: $78
相比之下, 呀菲最愛嘅Carbonara就比較失色! 雖然賣相好靚, 有一件蒜蓉包, 同一小塊芝士, 不過並唔能夠突出個意粉~ 意粉本身都幾硬, 唔夠淋, 變到好有咬口, 料只有煙肉, 欠缺蘑菇, 好淡… 好在忌廉味都夠杰夠香, 但就無乜蛋汁~ 呢味真係可以唔吃…
總括都有驚喜, 沙律真係十分出色, 亦與別不同~ 不過甜品就唔係多款, 我地唔係好啱食. 好多女士們連群結隊三五知己黎食沙律, 可坐足五小時, 真係幾輕鬆~ 缺點是地方淺窄, 好少坐位, 所以好難先book到枱. 另外侍應服務亦有待改善~ 儘管如此, 我地都會再黎食佢地嘅沙律~
Post
