Video
Read full review
2017-07-11
105 views
其實我真係好鍾意食泰菜，放工約咗同事食泰國嘢慰勞一下，泰菜一定諗起九龍城。今次就試吓金寶泰國菜館，記憶中金寶餐廳歷史悠久，後尾有經驗嘅店員話原來2002年開幕喇。等我試吓同九龍城嘅新派泰菜有咩唔同啦。裝修與環境餐廳個感覺有少少懷舊，燈光較為昏暗少少，好浪漫，黃色嘅燈光配上木製嘅餐桌，牆壁上滿佈明星嘅簽名，林超榮，森美，洪金寶，苑瓊丹，連台灣歌星張洪量簽名都有喎。服務與食物種類一坐低，店員就立即勤快地放上餐牌同埋點餐紙，餐牌係全彩色印刷，仲要附上大量嘅食物圖片，實在係非常方便食客😌食物種類選擇好多，就以沙律為例都有九款嘅選擇，海鮮為主的食物更有24款嘅選擇，實在唔適合選擇困難嘅我，後一版是蔬菜類嘅餸菜，一般餐廳只提供馬拉盞炒菜，蒜蓉炒菜，但呢間餐廳提供嘅以蔬菜為主嘅餐牌亦都有多達23種之多，實在好多元化。呢度亦都有供應越南餐廳嘅食物， 係餐牌上面共有五版附有圖片嘅越南特色食物，一個晚上可以試泰國同越南啲食物，實在太好啦。冬陰公湯細$70酸辣味平均，非常開胃，美中不足係兩隻大蝦唔夠新鮮，不過份量充足，兩個人每人有三碗。馬拉盞通菜味道濃郁，通菜新鮮，但略嫌唔太夠辣味，份量不算少。泰式大蝦柚子
裝修與環境
餐廳個感覺有少少懷舊，燈光較為昏暗少少，好浪漫，黃色嘅燈光配上木製嘅餐桌，牆壁上滿佈明星嘅簽名，林超榮，森美，洪金寶，苑瓊丹，連台灣歌星張洪量簽名都有喎。
服務與食物種類
一坐低，店員就立即勤快地放上餐牌同埋點餐紙，餐牌係全彩色印刷，仲要附上大量嘅食物圖片，實在係非常方便食客😌
食物種類選擇好多，就以沙律為例都有九款嘅選擇，海鮮為主的食物更有24款嘅選擇，實在唔適合選擇困難嘅我，後一版是蔬菜類嘅餸菜，一般餐廳只提供馬拉盞炒菜，蒜蓉炒菜，但呢間餐廳提供嘅以蔬菜為主嘅餐牌亦都有多達23種之多，實在好多元化。
呢度亦都有供應越南餐廳嘅食物， 係餐牌上面共有五版附有圖片嘅越南特色食物，一個晚上可以試泰國同越南啲食物，實在太好啦。
冬陰公湯細$70
酸辣味平均，非常開胃，美中不足係兩隻大蝦唔夠新鮮，不過份量充足，兩個人每人有三碗。
冬陰公細
$70
21 views
0 likes
0 comments
馬拉盞通菜
味道濃郁，通菜新鮮，但略嫌唔太夠辣味，份量不算少。
馬拉盞炒通菜
25 views
0 likes
0 comments
泰式大蝦柚子沙律
呢度菜係食泰菜必點，柚子鮮甜，又唔會太酸，除咗金不換之外，沙律中加上椰子片，配搭清新特別， 椰子片有嚼勁。惟沙律汁多了少許，應該剛剛足夠拌勻所有材料便行了。沙律汁很惹味，汁料可作平衡，吃起來感到味道很多層次。
嗜辣如我，覺得可以加多些紅辣椒呢😂
大蝦柚子沙律
14 views
0 likes
0 comments
泰式生菜包沙律
一般泰式生菜包，只配搭豬肉，但呢度生菜包有雞牛豬三樣肉類選擇，店員推介我哋食牛肉，果然係幾惹味，不過都係唔夠辣😂😂😂
。
菠蘿焗飯
飯炒得好香又乾身，菠蘿亦都新鮮爽甜，配料充足，飯上面三隻大蝦，大小均一，排列得整整齊齊，飯中有火腿青豆雜菜等等。
菠蘿焗飯
25 views
0 likes
0 comments
特別一讚，飲品方便可以選擇無甜嘅梳打，例如無甜青檸梳打，無甜鹹檸梳打
總體感覺
九龍城一帶泰國菜館嘅選擇十分多，金寶格價親民，份量不少，一連三間舖位，兩間越南餐廳中間係泰國餐廳，最大賣點係在同一餐廳中，可以同時品嚐泰國越南兩大東南亞菜式，例如一碗生牛肉撈檬只需＄50，個人覺得好實惠，希望下次可以試吓
另外提提大家OpenRice網上訂座仲可以+30分
Post
