Video
Read full review
2019-04-04
133 views
呢一晚Omakase（廚師發辦）係由維師傅主理，絕對令我同朋友食住每道料理都接連咁話好食，讚不絕口。先嚟一個前菜拼盤。最右邊係三文魚冰頭漬，可以依照個人喜好壓落檸檬，特別開胃。再之後嘅海膽豆腐配紫蘇葉、螺肉配岩鹽都唔錯。再來就係好得意嘅龍蝦刺身，起初齋望已經令人心情愉快，圓碌碌嘅龍蝦肉好似安身喺個小小保護罩裡面，三重縣嘅伊勢龍蝦，係喺一個最凍嘅地方先有，甜味比平時嘅有啲唔同。馬糞海膽刺身！朋友帶住想食海膽嘅心情嚟到，最後喜出望外。師傅將海膽新鮮從殼勺出嚟，鮮橙色賣相好靚，食落口一啲都唔腥，夾一瓣入口，就會輕輕喺舌頭上溶化，甜鮮到不得了，甘甜美好滋味難忘。食過香甜嘅龍蝦同海膽刺身後，分別有半燒帶子同大刺魚薄切。帶子裡面半熟質感處理得恰到好處，同時保留到好香嘅煙燻味同帶子鮮味。至於大刺魚薄切，師傅用嘅係兩公斤以上嘅大刺魚，油脂成份自然多過坊間一般用嘅一公斤類型，越嚼越香！！！食嘅時候連同上面嘅香蔥同菊花瓣，蘸一蘸柚子酸汁，隻酸汁調得好靚，完全冇搶走大刺魚嘅油香味。基於好奇，問咗師傅擺盤上塊葉叫咩名，原來叫南天，即使純粹襯托，亦係視覺享受。呢道菜入眼、入口再入心，係我最鍾意嘅一道菜。半燒劍魚
19 views
0 likes
0 comments
再來就係好得意嘅龍蝦刺身，起初齋望已經令人心情愉快，圓碌碌嘅龍蝦肉好似安身喺個小小保護罩裡面，三重縣嘅伊勢龍蝦，係喺一個最凍嘅地方先有，甜味比平時嘅有啲唔同。
16 views
0 likes
0 comments
馬糞海膽刺身！朋友帶住想食海膽嘅心情嚟到，最後喜出望外。師傅將海膽新鮮從殼勺出嚟，鮮橙色賣相好靚，食落口一啲都唔腥，夾一瓣入口，就會輕輕喺舌頭上溶化，甜鮮到不得了，甘甜美好滋味難忘。
6 views
0 likes
0 comments
食過香甜嘅龍蝦同海膽刺身後，分別有半燒帶子同大刺魚薄切。帶子裡面半熟質感處理得恰到好處，同時保留到好香嘅煙燻味同帶子鮮味。至於大刺魚薄切，師傅用嘅係兩公斤以上嘅大刺魚，油脂成份自然多過坊間一般用嘅一公斤類型，越嚼越香！！！食嘅時候連同上面嘅香蔥同菊花瓣，蘸一蘸柚子酸汁，隻酸汁調得好靚，完全冇搶走大刺魚嘅油香味。基於好奇，問咗師傅擺盤上塊葉叫咩名，原來叫南天，即使純粹襯托，亦係視覺享受。呢道菜入眼、入口再入心，係我最鍾意嘅一道菜。
6 views
0 likes
0 comments
8 views
0 likes
0 comments
半燒劍魚，放咗酸麵豉，第一次食酸麵豉，味道好特別，兩者好夾好香，好想再食啊！
5 views
0 likes
0 comments
藍鰭Baby吞拿，配薑花同沖繩島嘅海葡萄，先罩住一分鐘，焗一焗吸收蘋果木嘅芳香。我哋靜靜睇住啲煙慢慢慢慢跌到一半咁上下，現出拖羅真身，師傅就幫我哋開罩。佢揀嘅係下肋位，冇正常大拖羅嘅肥嫩但係食落仍然係香滑嘅肉質，而且表皮燒過脆卜卜，雙重享受。
6 views
0 likes
0 comments
呢款拖羅，師傅好盞鬼，用講故仔嘅口吻，話佢屬於做開嘅七段裡面嘅第二段，稱為不見天，因為條魚無論點扭點擰點郁都好，呢個部位永不見天，形容得超有畫面。佢事先預告，裡面有三成油脂味，七成魚味，建議第一件用鹽嚟食，第二件就佐以山葵。食落係點呢？實在有料到！油如水化開，濕軟同鮮香相繼充盈喺口腔內，單純兩小塊足以轟炸味覺，俗語話「好酒沉甕底」，不見天日嘅魚腩？醉人也！
我哋再試咗七段拖羅裡面嘅第七段，油脂比例同上一道一樣係三七，不過就啱啱掉轉，三成魚味，七成油脂味，形成強烈對比。同樣地，嚿拖羅一放入口就即好似時融解，放到入口啲油比起二段仲要再多好多，不斷滲出嚟，嗰幾秒鐘嘅感受，就算話係好似熱戀期咁刺激誘人，都唔誇張。過後喉嚨入面仲會有餘香飄逸，聽聞師傅自己都特別喜愛呢款拖羅，哈哈。
16 views
0 likes
0 comments
蔬果拼盤，睇落簡樸天然但係驚喜連連。福岡縣冰菜，落咗少少青檸，咬落去嗦嗦聲好清脆！而果茄就係日本好出色嘅水種植物，汁液喺齒間一爆發就入心入魂，甜郁嘅層次非常精緻，果肉甜酸平衡出眾，味道一直蔓延。最後係富有柿，蜜度濃郁，口感爽脆鮮明。紅黃綠三件各一集成拼盤，一個優雅而清澈嘅組合，證明師傅對產物非常有信心，被挑選食材嘅本身，洶湧而出嘅清甜味足以征服食客。
試完鮮味十足嘅刺身同水果，師傅就預示接落嚟會有和牛、醃菜、壽司同湯，由淡轉濃嘅上菜次序，個人就非常受落。和牛香噴噴，外層有焦香，但肉質可以再嫩少少！至於醃菜盤，個人最喜歡就係好少見嘅醃苦瓜同士多啤梨芝士，味道好特別。
10 views
0 likes
0 comments
／／／／／／／／／／／／
到壽司系列，當然都係楽壽司嘅主打之一。
赤貝壽司，非常新鮮，啱啱嚟嘅時候仲識郁，完全唔韌！
7 views
0 likes
0 comments
油甘魚壽司，紫菜漬零味道再提昇，入口油潤肥美，有種甘香嘅後勁。
4 views
0 likes
0 comments
越前蟹肉壽司，上面放咗少少檸檬皮，超級足料，啖啖極品蟹肉，爽！
沖繩金絲魚壽司，師傅講明係本季節嘅特產，一過咗時間金絲魚就會向太平洋游返出去。上面加咗蜜柑胡椒，味道好夾。
5 views
0 likes
0 comments
銀鱈魚壽司，上面加黑松露醬，最驚艷係銀鱈魚出色到黑松露都失色。質感超滑，口中滿滿嘅油滑令人唔只陶醉，而係真有醉醉哋嘅滋味。
19 views
0 likes
0 comments
海膽壽司，見到小小一件壽司上面塞滿曬海膽，梗係二話不說放入口，一息間就瘋狂融化成鮮甜味道，絕對係大滿足。
赤目魚壽司，亦係最後一件壽司。炙燒過嘅油脂格外深邃同濃烈，越咬越香。食埋呢嚿，感覺非常滿足。
8 views
0 likes
0 comments
用鱲魚湯、和菓子、奶凍同綠茶收尾。奶凍上面有黑糖，質感幼滑；綠茶非常燙口，沖散口中甜膩感。圓場時候除咗飽足，就係立刻開始掛住呢晚食過嘅所有料理。
／／／
【後話】
食完都夜嘞，成十點幾，睇到師傅開始為之後幾日所需嘅食材、配菜、甚至襯托嘅菜，逐一點算同預購，靠住呢份清場時嘅忙碌同細心，就可以明白點解呢度嘅料理會咁精良同美味。而且更喜歡嘅係，師傅喺上菜前必定會精心介紹食材嘅來歷同配搭，有時仲會解釋返唔同配料得出嘅效果，非常專業同博學！
楽楽的～～食過翻尋味～～好想再食呢！
Post
