初.咖啡

Open Now

Now Closed

呢個鬧市中嘅寧靜空間已經嚟過幾次，住得遠好少去旺角，但約得朋友去旺角食飯想傾計都會黎♥️今次難得有影相，就想寫食評讚賞呢個好令人舒服喜愛嘅空間。首先整個空間間隔都令所有食客好友私人空間，裝修同擺設同埋每張枱個間隔都有特登用心諗，而唔係用盡所有空間，重點食物有心思，老闆(相信係)仲會好留意同關心食客，聽得出介紹自己食材同煮法都好有信心，今次黎仲感受呢份心裡熱度，好欣賞!我的最愛哈密瓜xParma ham 意大利哈密瓜，勁鮮甜，加埋軟綿綿parma ham, 中和甜鹹好開胃。每次都秒殺，今次食最後一舊記得影相，但影得樣衰。其實以呢個價錢同個份量係比較貴，不過個質素好值得🥲🥳明太子唔辣意粉通常出面明太子意粉都辣我唔太食到，好開心呢度有唔辣，本身我覺得明太子好鹹，不過加好香嘅紫菜同撈大啖啲食就好平衝。仲有個梅子粉番薯條好出色，食翻台灣夜市梅子粉地瓜嘅感覺。甜品方面抹茶芝麻tart我鐘意但之前無影相，今日同啲朋友叫左pancake, 又靚又好味好少可樓上cafe由小食、主食、甜品、飲品都有呢種質素，同食幾次都水準不變，多謝老闆同店員用心煮同招呼我唔飲咖啡，不過期待下次帶好鍾意飲咖啡嘅朋友嚟！