夏午茶 (Closed)

樓下開咗一間特色飲品小店，應該都係乳酪燕麥飲品嘅朋友，成日都見到佢哋有人買，所以今次就試一試，叫咗一杯佢哋嘅王牌飲品，牛油果酸乳酪燕麥smoothies, 首先，一飲落去，杯飲品嘅味道係失望嘅，完全飲唔到牛油果嘅馥郁味道，一落去感覺似係一啲黑糖燕麥混出嚟嘅味道，但係杯嘢飲應該係冇黑糖嘅，甜又唔係甜，穀物味又唔係穀物味，因為佢用無糖乳酪嘅關係，所以有一浸酸酸地嘅乳酪味，但係完全唔香，杯飲品好似四不像咁樣，同埋真係唔知啱啱好牛油果冇貨定係點樣，我見佢沖嘅時候只係用咗半個牛油果都冇，問心感覺係真係有少少失望。喺我嘅角度，我清楚明白佢哋係sell健康, 但係有時買得呢啲飲品，健康真係有少少次要😂😂