Sweet Craft

Open Now

Now Closed

一杯好豐富嘅甜品，頂層有honeycomb 、cream cheese 同埋海鹽焦糖味爆谷，下面就係份雪冰同埋海鹽焦糖醬，而最底層就係牛乳布甸，所以喺味道上面有好多層次。粉雪冰本身唔係無乜味道，就係靠其他食材嘅味道。粉雪本身個意思就係鬆軟嘅細雪，唔似一般冰咁好多水份，呢間甜品店嘅粉雪事實上係做到呢個效果。粉雪冰每搭一種食材去食嘅時候都會做出不同嘅效果，我覺得呢一款甜品可以用高潮疊起去形容，當粉雪冰配埋海鹽焦糖味爆谷一齊食嘅時候，會食到濃濃嘅海鹽焦糖味，口感上就會有爆谷嘅脆；當搭配cream cheese 一齊食嘅時候，就會有種軟綿綿質地，濃烈嘅芝士味，鹹鹹地；當搭配 honeycomb 嘅時候，蜂蜜嘅香甜；當你食到底部嘅時候，牛乳布甸嘅奶味濃。我覺得佢最厲害嘅地方係咁多仲食材都冇比對方遮蓋，而你食每一種食材都好清楚食到嗰種食材嘅味道。