愛茶 (Closed)

食完飯又想飲下野，同朋友黎左呢間叫愛茶的飲品店試下，入到黎先知係英記茶莊開嘅，咁茶飲實有保證啦。自己叫左杯凍嘅奶蓋茶，朋友要左熱嘅極品鐵觀音（＄20），佢話茶味好香純，係好飲的。我呢杯係雨前龍井加奶蓋，大杯裝（＄35），比一般茶飲店嘅芝士奶蓋系列平一點，不過呢度唔係芝士奶蓋，係普通奶蓋咋，不要搞混。栢身硬淨，同樣有開口位同飲管位，兩種飲法，隨個人喜好了。茶味清香又真係好好飲喎，奶蓋豐厚好濃郁嘅奶味，仲帶少少少少鹹，莫非都有芝士？不過忘記了要求走甜，中國茶不大適合加糖，感覺不好，哈哈，但茶是好飲的。下次試試奶蓋大理石系列，嗰款好似真係芝士奶蓋，好鍾意飲芝士奶蓋呀～