客家好廚 (Closed)

2:15pm 到客家好廚飲下午茶第一次見有人係門口等叫籌我係第 7 號 中枱等左大約10分鐘就有枱第 56 號枱入到去, 第 56 號枱己有人, 佢地冇攞籌就自己座低左係我張枱度黑衣女服務員(好似叫亞群)都比佢地座, 要我座第二張第 65 號 但第 65 號枱, 門口的小姐又叫左其他人入座... 咁我即係冇位啦!!!同黑衣女服務員亞群講, 我地點算, 佢冇表情又唔理我, 聽我唔到 我出門口同派籌小姐講, 佢都冇位, 比唔到位我黑衣女服務員亞群就出門口話, 而家都冇位(黑口黑面)... 跟住第 7 號枱有人走, 派籌小姐就立即叫我入去, 但又有人攞住張假籌入去座低左唔走(佢張籌係第43號, 但門口只派到 20 號, 仲唔係假, 連門口的派籌小姐都話一定係假, 唔知佢係邊度攞返來, 因為籌號係用手寫, 佢應該係自己改左啲號碼) 咁都得好了, 又冇位, 其他係門口等的食客都見到啲人冇攞籌就自己霸位, 都開始起火~我同經理投訴, 佢未到門口其他人已經嘈近佢...剛巧 1 號枱有人走, 黑衣女服務員亞群及經理立即安排我地入座, 但又有一女士座係度唔走...一連三次, 有籌有位, 守規矩, 有