上海小南國 (萬宜大廈) (Closed)

尋日咁啱同朋友因有事要係中環處理，還有個半鐘頭時間，經過萬宜大廈，心諗好耐冇食過上海菜，就上3樓既上海小南國試吓有冇位，心知weekday冇訂座很難有位，點知知客說剛剛有一枱訂座因事取消了，可以比到座位我，仲要係卡位，太好喇。不過由於餐廳人手比較少，個個侍應都很忙，好彩我叫餐既時候都一叫即刻有侍應幫我叫餐，但是出餐速度比較慢，叫了酸菜魚叫了25分鐘都未能上菜，看見餐廳很多外賣出都唔係咁好意思追菜，剛巧有位經理問我係唔係仲有菜仲未上，我話係，那個經理立刻幫我入廚房追菜，不到5分鐘就立刻幫我跟進到可以上菜，他不斷話唔好意思，還說送兩位酒釀丸子比我，值得一讚👍酸菜魚好好食，不過建議可以再辣D就更加好食。看見餐牌有大閘蟹上市，非常吸引我鍾意食蟹既人，下次一定會晚市來試試大閘蟹。