鮪世市場 (鴻威大廈) (Closed)

旺角愈來愈多街頭Omakase店，質素都好參差，鮪世絕可以列入必試及翻兜類，可算是平民價而性價比高，原來鮪就是拖羅的意思，拖羅一定唔可以錯過的。▫️特選本鮪壽司盛包括了四款拖羅：香蔥本鮪魚腩軍艦、本鮪赤身、赤身中本鮪魚腩、大本鮪魚腩店員建議順次序進食，口感又厚又肥美，拖羅入面既油脂留係口入面愈來愈濃郁，好香刺身要品嘗其新鮮度之餘，亦唔少得試下店內師傅的手勢，特別再點了（話咁快就要翻兜）▫️海鹽輕燒中本鮪魚腩▫️海鹽輕燒大本鮪魚腩鮮甜之餘加少少海鹽既咸，唔會過多，恰到好處，完全帶起拖羅的鮮味。▫️特上海膽軍艦海膽質素不錯，不帶腥味，新鮮肥厚。▫️火炙左口魚裙邊去到邊都想食既其中一款，師傅切得厚厚的，豐富的油脂感好滿足，有種入口即溶的感覺。▫️深海池魚刺身（4切）深海池魚與一般池魚的分別就是肉質帶點咬口，一點都不腥，好欣賞旁邊的調味醬汁，加了一點微辣的蘿蔔蓉，帶起了池魚的鮮魚味道，薄薄的一片享受。