agnès b. Café LPG (Closed)

今次同大家介紹嘅就係呢間Cafe🙆🏻其實都好容易搵到點去，不過大家記得喺地鐵站出嚟，千祈唔好行入SOGO！！先兜出去大路行入去會比較方便，如果唔係你就兜餐懵!!!(我就係咁樣中咗伏)🤦🏻‍♀️🤦🏻‍♀️🤦🏻‍♀️入到去個環境都唔錯，都幾正呀，又有小小音樂，係正常Café 應該有嘅水準。仲有啲落地玻璃，啲太陽光照射入嚟，感覺幾舒服，係可以坐得耐既！👌今次同表姐去食，我哋兩個各人叫咗一杯咖啡，我就叫咗焦糖燉蛋熱咖啡，佢就叫咗玫瑰咖啡，然後我哋兩個叫咗一個甜品tart set同埋一件蛋糕，唔好以為係名牌嘅coffee shop就會好貴! 咁樣叫其實都只係大概$200! 都唔係好貴！個焦糖燉蛋咖啡，個人覺得有啲太甜，可能係因為我鍾意飲齋啡掛🤔🤔🤔不過係真係幾有焦糖燉蛋味！鍾意食焦糖燉蛋嘅朋友唔好錯過😋可以去試吓😋另外個玫瑰咖啡上面有幾塊玫瑰花瓣，飲落又真係有玫瑰味😍好飲🙆🏻兩杯咖啡嘅拉花都做得好靚♥️搞到我有啲唔捨得飲！😍😍個甜品tart set個人就覺得一般般，唔算好好，可以嗌其他蛋糕會仲好味啲！仲有我哋叫咗一件朱古力蛋糕，呢個蛋糕真係好味啦，好有朱古力味！外面仲有朱古力脆脆，仲有朱古力流心！鍾意食