Tom N Toms Coffee (Closed)

Tom N Toms係來自韓國大熱嘅咖啡連鎖店，喺海外唔少地方都已經開設分店。上年去韓國嘅時候，印象中都有經過，但當時喺香港已經有分店，加上韓國本身有好多更有特色嘅咖啡店，就冇去試連鎖野。屯門店都開左一段時間，其實都有好幾次想要試下，但硬係望到個餐牌有少少卻步，講緊嘅係價格太貴，喺商場嘅中庭位置，格局同starbucks無異，行過嘅人、扶手電梯嘅人都難免眼望望。唔知同傳真社之前嘅報導有冇關係，曾經有短暫時間係冇哂枱凳，週日經過，見到已經還原。因為午飯約左朋友喺灣仔食，早餐就無需豐富，同男朋友share一份就可以。如果係諗住hea下無所謂，正如啲人會買杯野飲喺starbucks、pacific coffee坐一日半日，否則叫我用百幾蚊喺度食件多士、飲杯野…煙肉芝士蕃茄 原味貝果 ($40) 配熱紅豆拿鐵  $65貝果微脆，中心軟熟，唔會實的的，搽左少少牛油，好食過M記嗰個。煙肉煎得唔夠香，芝士味亦都唔夠濃，普普通通。紅豆拿鐵有紅豆味，唔會好甜，欠缺奶香，唔多似latte。跟餐加廿幾蚊還好，正價買可能會想撞牆。（以為熱飲會拉下花仔，諗多左）雖然有堂食，但只能以紙碟紙杯盛載，作為早餐，咁嘅價