赤橋拉麵 (Closed)

一直冇機會試到彩，唯有黎赤橋頂住先。呢兩間拉麵店一直備受追棒，網上有唔少討論，所以我係抱住相當高既期望黎試傳聞中既拉麵。可惜期望越大，失望越大。我同朋友食完之後一致認為，無回頭既必要🙅🏻‍♀️-裝潢好有家嘅感覺，環境不錯。座位不多，我地等左大概15分鐘先被安排入座。-海老豚骨沾麵湯底海老味道尚算濃郁，但感覺好油膩，而且上枱時已經熱度不足🙅🏻‍♀️麵條掛湯力一般。魚介豚骨拉麵魚介味欠奉，只有咸味。叉燒厚身兼大塊，感覺好鞋，味道偏淡。我食到一半已經唔想食😣唯一可取既地方就只有溏心蛋🍳湯底味道平平無奇，不合我口味，非常失望，好彩只係排咗15分鐘。食過一次就夠，唔會再回頭🙅🏻‍♀️