彩逸軒酒家

Open Now

Now Closed

屋企人過時過節都係食開某幾間酒樓，已經食到厭，今年想搞搞想意思，去其他地方。可能親戚有朋友介紹左呢間酒樓唔錯，咁地點都就到大家，唔隔攝，無所謂，一於試下。第一次幫襯，又無人想諗，咪叫圍餐食囉，雖然碟碟都好大碟，但滾水淥腳咁係咁上菜，都食唔切，好趕時間咁，可能趕住做下一輪啦！明明張枱都無位，仲想上個海皇翅響我地面前入碗，後面有張枱，我地提議侍應響果度入碗，侍應比返面色我地睇，厭三厭四咁。食物賣相唔差，但大部分都好似無味道咁，係咪應該話佢淡口呢？基本上蔬菜，魚，薑汁千層糕嘅味道比較突出。