寶記串燒店

Open Now

Now Closed

我哥哥是這間店嘅常客，佢講咗好多次話呢間啲串燒好好食，今日大家唔知食咩好嘅時候佢就諗起要帶我去呢一間越式串燒店，去到我亦都被佢牆上既graffiti 所吸引，因為都係以越南做主題嘅食物方面： - 最令我深刻就係佢嘅燒魷魚，佢嘅味道令我諗起細個時候喺尖沙咀華懋戲院出面賣嘅烤魷魚，仲記得細細個既時候爸爸知道我鍾意食佢會成日買俾我食，依間燒出嚟嘅味道可以話係同我以前細個食嘅味道一樣 - 其次係燒烏頭，因為我係一個好鍾意食魚嘅人，但呢間燒烤店用嘅香料再配合佢嘅特色燒法會令烏頭嘅香味更突出，烏頭亦唔會燒得過熟，魚肉燒完之後仲係保持好嫩滑 - 粉絲炒蝦都係推薦之選，蒜蓉同牛油嘅香味好突出，帶出蝦嘅鮮味，而粉絲吸收所有材料嘅精華其實仲有好多好食之選不能一一盡錄，例如豆卜、牛脷、雞泡魚乾、雞腎、五花腩同雞軟骨等等…都係以越式醃製方式服務：老闆同老闆娘都係越南人，都好好人，甚至乎熟絡咗好似朋友咁傾偈環境：比較地踎啲，如果試過去越南既朋友，其實餐廳都與當地既餐廳感覺相似總括：諗唔到食咩就會諗起佢，可以提早打俾老闆同佢講你想食咩海鮮或食材佢會為你提早安排，依間店會係我晚餐同宵夜首選嘅選擇