潮汕錦豐粉麵

Open Now

Now Closed

前言：一碗雲吞面，一碗牛腩麵，對於我呢個係內地生活既港人，係一份情懷，更係一種鄉愁。呢幾年荃灣既變化好大，千色店樓下既津味，雖然唔好食但係都敵唔過強大既潮流～變左藥房。荃灣有特色既牛腩牛雜已經屬剩無幾～Part.1 今日去完朋友公司傾完野，五點幾～我的大哥急call我話今晚打包D翻屋企食，今晚唔想煮飯～ 冇辦法唯有係附近望下有咩可以打包～跟住就望到對面街呢間粉面舖。Part.2 一入門就聞到好香既大地魚及牛腩香～ 呢個香味已經說明呢個粉面舖唔簡單，打包兩盒牛腩 兩打生雲吞走人，塔小巴返屋企既路上，個泡沫飯盒同埋兩個白色膠袋完全隱藏唔到牛腩既香味～我唔知其他人點諗，但係我已經狂吞口水～翻到屋企已經忍唔住要偷食翻一舊。Part.3 The End 偷食牛腩既時候先發覺師傅已經砍好哂 舊舊都一指粗，舊牛腩起手都唔算瘦，但係當我成舊放入口先知道個味道係幾咁Amazing 入口嗰下牛香味由嘴裏爆發，牛腩唔會大軟瀨瀨冇曬口感，兩邊既瘦腩肉加埋中間既脂肪一咬落去就將牛腩本身既鹵汁爆發出黎，雖然舊牛腩係用鹵水既做法但係卻一D都唔鹹，重有小小甜味同埋藥材味係舌頭中間散發。呢個牛腩，係我由細到大食過最好食