Veggle Cafe (Closed)

之前買左團購「2 人 6'' 全素松露雜菌薄餅 或 素雞牛油果漢堡配沙律及茶 (二選二)」，當日去到該店舖換取外賣，去到時間係5:40PM，女侍應話俾我知團購內寫住適用晚市時段為5:30PM-8:30PM，但又寫住營業時間為6:00PM-9:00PM，所以要我等到6:00PM先得，既然佢咁講，我都照企喺度等啦。等到6:00PM，同一位女侍應話外賣已整好，我拎左之後發覺無左2杯茶，所以就問佢茶喺邊，佢答：「我咪放左落去囉」，然後喺外賣袋中搵出2個茶包，我都係第一次買外賣野飲係連杯都無埋，得個茶包，雖然心生奇怪，亦都拎走外賣無再問佢點解，所以只俾茶包顧客，亦都唔知到底係店主定係該位女侍應嘅主意。團購寫明係俾茶而唔係茶包，令人感到貨不對辦，外賣亦唔一定係拎返公司或屋企食，所以只俾茶包顧客，實在係好古怪。最後，感到該位女侍應實在禮貎欠逢，好似覺放左茶包就已做好本份咁。facebook message左店舖亦無人理會，係咪應該要重視下對客人o既服務呢？