Video
Read full review
2016-03-03
335 views
今日又黎食晏，我地幾個同事係門口見到餐牌有新野同款式多左兩款所以就決定係道食順便試下野食水準有無好左！點知... 餐湯：見到意黃青瓜湯大家都無係餐廳見過或飲過所以無人敢試，飲品叫左蜂蜜檸茶黎左檸檬柚子茶，水果茶叫左一凍一熱就黎左兩杯凍，同Waitress講黎錯飲品，點知 短髮Waitress 既對答係：我落單時已經覆過你地嫁喎你地無人應而家話出錯野飲！？係咪你地落錯單啊！我無出錯野飲喎！我地成檯即刻靜左！！ 我地都算啦唔追究黎錯野飲都唔係太大問題，但係對答態度好有問題！我見到我點既水果茶同之前唔同左之前既水果茶係有水果塊有橙同蘋果，但而家變左只有超細粒同好小既青蘋果粒，飲落味道都無左水果香味，同事話係啊,呢度野飲既水準都下降左好耐，唔係女仔水吧轉左男仔水吧之後咖啡同飲品都差左！野食黎到都係比之前等既時間耐左，剛才既 Waitress黑面送餐過黎講完咩野食放底便走我地要自己攞反自己碟食物！ 同同事傾計問佢地有無試過呢度既晚餐同事話試過三次第一次係剛開始有晚餐，意粉同意大利飯都好有水準最好食係羊架肉質香嫩配菜亦好好味有質素擺碟有心思，恐龍蝦意大利飯最印象深刻，恐龍蝦汁意大利飯好香濃既
餐湯：見到意黃青瓜湯大家都無係餐廳見過或飲過所以無人敢試，飲品叫左蜂蜜檸茶黎左檸檬柚子茶，水果茶叫左一凍一熱就黎左兩杯凍，同Waitress講黎錯飲品，點知 短髮Waitress 既對答係：我落單時已經覆過你地嫁喎你地無人應而家話出錯野飲！？係咪你地落錯單啊！我無出錯野飲喎！我地成檯即刻靜左！！
我地都算啦唔追究黎錯野飲都唔係太大問題，但係對答態度好有問題！我見到我點既水果茶同之前唔同左之前既水果茶係有水果塊有橙同蘋果，但而家變左只有超細粒同好小既青蘋果粒，飲落味道都無左水果香味，同事話係啊,呢度野飲既水準都下降左好耐，唔係女仔水吧轉左男仔水吧之後咖啡同飲品都差左！野食黎到都係比之前等既時間耐左，剛才既 Waitress黑面送餐過黎講完咩野食放底便走我地要自己攞反自己碟食物！
同同事傾計問佢地有無試過呢度既晚餐同事話試過三次第一次係剛開始有晚餐，意粉同意大利飯都好有水準最好食係羊架肉質香嫩配菜亦好好味有質素擺碟有心思，恐龍蝦意大利飯最印象深刻，恐龍蝦汁意大利飯好香濃既龍蝦鮮味賣相好靚味道有水準食得出用心烹調，但同事話上個月當晚餐加左有龍蝦湯同頭盤後再去食過兩次水準就差左好多龍蝦湯飲唔出龍蝦味反而好似有點怪味，頭盤吞拿魚係冰既，同店員講要求換過，但換左食落食得出係用微波爐叮過 牛扒無肉汁亦唔似係安格斯牛，食落無肉汁無肉味中間仲係冰凍
小左配菜只有薯蓉同小小沙律菜，薯蓉亦做得唔滑同好食落好大雪櫃味，龍蝦意大利飯無左香濃鮮既龍蝦汁味，最近兩次食晚市覺得差左好多....
講反我地既午餐地幾個食左幾啖開始有同事對野食有意見，寶雲蘇羊架無羊味肉韌好明顯over cook 而芥末味太重，寶雲蘇亦無應有香味而同之前一樣意大利飯太硬同暖既！
燴牛肋條飯配紅酒汁， 紅酒汁無紅酒味亦唔夠香濃，比出面食既差同唔係紅酒汁既唔同水又係成碟唔熱暖既！
辣青口意粉，青口韌肉細無味意粉係好多都痴埋一舊唔係一條條，味似Tabasco加茄汁無香味同辣味亦唔夠熱！
吉列魚柳漢堡，吉列魚柳硬而唔係脆，魚肉鞋似炸完翻炸，漢堡包唔熱亦唔脆中間凍既，薯條都係似翻炸硬而唔脆同暖！
商業區既客人其實日日反工食午餐只局限公司付近，做得餐廳都係做我地呢D返工客，其實價錢唔平但食物水準就一次比一次差，食物份量又小左，兩三次都係等得耐，食物唔熱同水準都係咁差就唔會再食， 而且請剛出社會工作年輕人居多時，餐廳係咪要教導Waitress應有態度，客人黎付費食飯唔係俾錢受氣，咁既服務令人反感 ，係附近返工咁耐都未試過食肆餐廳係咁既服務，最後埋單時我地都不愉快地離開，同事去洗手間仲要見到大隻小強...
Post