Video
Read full review
2022-07-02
1194 views
第一次同朋友食覺得幾盞鬼，又唔錯，所以第二次再同另一個朋友黎食。☺️第二次已覺服務一般，但食物搭救，所以俾多次機會。第三次再同另一朋友黎食，想說服自己改變服務差既印象。😮💨 今次book左夜晚6點，因為booking website 講明唔可以遲超過10分鐘，否則枱會無左，咁我地就5點53分到，點知餐廳職員話太早6點先至可以入。原則上係出邊等冇問題，但佢哋嘅貨物已經佔據咗走廊嘅一半完全冇位，加上除咗我哋等之外，前面亦有其他食客等緊，變相走廊真係完全冇位。最慘係之後佢再有貨要送上嚟，睇見送貨嗰位叔叔連最細嗰啲車仔都岀唔到𨋢，就覺得好有問題，萬一發生火警如何逃生？仲有一樣嘢係發現到每個第一次去呢間餐廳嘅人都搵唔到餐廳門口。餐廳職員真係好準時6點比客人入去。入去坐低嘅時候發現凳上面有上一手食物碎屑，玻璃側邊亦有一堆陳年食物碎屑，成個感覺好污糟。坐低後職員立即示意90分鐘後要交枱，理解香港營商環境有時真係需要呢一啲嘅守則。食物大於6點40分到，明白新鮮製作需時，最終同朋友半個鐘內食完離開。嗌左幾樣食物，而軟殼蟹pizza係我第一次試，印象好深因為啲火箭菜非常苦。最後離開職員仍然圍埋一齊，完全無
今次book左夜晚6點，因為booking website 講明唔可以遲超過10分鐘，否則枱會無左，咁我地就5點53分到，點知餐廳職員話太早6點先至可以入。原則上係出邊等冇問題，但佢哋嘅貨物已經佔據咗走廊嘅一半完全冇位，加上除咗我哋等之外，前面亦有其他食客等緊，變相走廊真係完全冇位。最慘係之後佢再有貨要送上嚟，睇見送貨嗰位叔叔連最細嗰啲車仔都岀唔到𨋢，就覺得好有問題，萬一發生火警如何逃生？仲有一樣嘢係發現到每個第一次去呢間餐廳嘅人都搵唔到餐廳門口。
餐廳職員真係好準時6點比客人入去。入去坐低嘅時候發現凳上面有上一手食物碎屑，玻璃側邊亦有一堆陳年食物碎屑，成個感覺好污糟。坐低後職員立即示意90分鐘後要交枱，理解香港營商環境有時真係需要呢一啲嘅守則。食物大於6點40分到，明白新鮮製作需時，最終同朋友半個鐘內食完離開。
嗌左幾樣食物，而軟殼蟹pizza係我第一次試，印象好深因為啲火箭菜非常苦。
最後離開職員仍然圍埋一齊，完全無意同客人道別，令我立心以後唔食及唔會再帶朋友上去，加一服務我完全見唔到有任何服務，最多感受到落單、傳菜、收拾碗碟同收錢，水都係自己倒，個樽仲要無蓋，covid後會令人更著重衛生意識。價錢與同類餐廳相比亦唔覺性價比特別高。
Post