日日涮 (Closed)

今日同朋友慶祝我們的生日，去左旺角打邊爐。湯底可在8款中選2種鴛鴦湯底，我們選了日本壽喜燒，包一隻生雞蛋，和四川麻辣湯，越食越辣，同埋有d攻鼻，下次我未必會揀呢款湯底了。加$30 有刺身任食，頭盤有廚師精選，之後加單就自己揀五款，我同朋友都一般魚，所以揀左甜蝦、北寄貝、帶子、赤貝同八爪魚，整體都好新鮮。晚市120分鐘日式火鍋放題+海鮮盛合A/B，我地揀左特級美國肥牛 $258，當中包左黑毛豬豚肉同雞脾肉。出面仲有好多其他種類既火鍋配料，蔬菜、丸類，同埋熟食，食到飽。海鮮可以A同B 都要d，可以食多d 款式，有半隻龍蝦，半隻爆膏奄仔蟹、扇貝、蟶子皇、鮑魚、海蝦、花甲、沙白，高質海鮮，生猛超鮮甜，有驚喜。飲品任飲，有汽水、茶、果汁、啤酒，應有盡有。最後仲可以揀一杯Haagen Dazs/ movenpick 雪糕，超滿足的，唔夠喉仲可以食雀巢雪糕、豆腐花同其他甜點。