蚊蚊豬老火鍋 (Closed)

天氣凍最好就係去食火鍋，如果可以食埋羊腩煲暖暖身就更好，想一次過滿足兩個願望，蚊蚊豬絕對幫到大家。佢地出左個秋冬限定能夠免費升級，我地揀左古法羊腩煲。上羊腩煲前，頭盤會先上刺身，有甜蝦、三文魚、赤貝等食材，件件鮮甜。羊腩煲份量十足，入口無乜羶味，肉質夠嫰，枝竹、冬菇吸盡精汁，味道濃郁，夠晒暖胃。食完羊腩煲，我地轉左藥膳雞鍋，湯頭勁香濃。除左刺身，重有幾款牛肉、有封門柳、牛舌心、牛肩肉等，任食黎講，真係無得輸。點左幾款火鍋配料，除左蔬菜類，重有黑栢葉、鴨血、雲耳、鮮淮山已經飽到不得了。