番本日式放題 (Closed)

日式放題就食得多，包埋蒸汽火鍋嘅真係未聽過，再加埋任食生蠔，我諗全港搵唔到第二間掛...約咗3個朋友呢餐飯，一次滿足曬大家嘅口味4個人可以叫大煲嘅蒸汽火鍋，夠曬派頭炸物夠熱，點醬食就夠開胃焗豪用盅仔裝，夠曬料放題嘅魚生擺盤未算豪華，設計一般般吧，但勝在夠厚切，白肉拖羅小弟真係第一次見，味道頗鮮感覺生蠔先係我今晚嘅主角，10蚊任叫，每人每次最多叫3隻，所以我地每次一打一打咁order，我食咗超多，我一人好似食咗2打...我腸胃冇事啊，證明食物絕對衛生嘅，生蠔有3種味：原味、酸辣蘿蔔、茄汁，我最喜歡原味，因為可以食到生蠔本身嘅鮮味，其餘兩款都唔錯架，好受我朋友歡迎蒸汽火鍋上面可以蒸扇貝、蝦、牛肉等一般火鍋常見食材，我地一直蒸海鮮哦，因為d汁會滴落下面粥底，等等嘅粥將會好鮮甜！果然不令大家失望！大家食到哇哇聲，出街食粥食到咁猴禽真係第一次。值得推薦嘅一間放題，多花款，姨姨嘅服務態度真係好好，主動幫我地加水煮粥又會同顧客傾計，服務都滿分！