丁丁烤魚 (Closed)

烤魚食得多，無限添食烤魚真係未試過，朋友推介呢間大埔既「丁丁烤魚」，出名可以一次過滿足哂三個願望，任食（烤魚，雞煲，火鍋）今晚知道自己戰鬥力不強，只係叫左任食烤魚火鍋Set烤魚揀左酸菜口味BB辣，一擺上台就香氣撲鼻流哂口水，原條魽魚都幾大條，魚肉質地有口感鮮甜不會腥，肉多骨少。魚皮微焦配合埋酸菜開胃又惹味食完烤魚，店員好快就幫我地換上另一個焗開始打邊爐，湯底叫左滋補花膠雞湯，材料夠哂多湯底乳白色好正。火鍋款式不少，推介⭐安格斯肥牛好嫩牛味重⭐海鮮沙白大大粒脹卜卜好鮮甜⭐手打墨魚滑爽口彈牙⭐鵝腸好乾淨又爽脆⭐田雞多多肉鮮同埋都夠滑另外佢地小食都係任食⭐涼伴魚皮大大塊超爽⭐新鮮炸小饅頭飲品雪糕都係任飲任食，總括來講呢個任食烤魚火鍋套餐真係好抵食又好味，下次一定要來試埋個雞煲先！