平昌 Premium (Closed)

秋冬除咗食火鍋之外，另一個選擇就係韓燒啦，之前已經想去呢間平昌食韓燒，今次放工同同事們一齊去，地點非常方便，到佐敦地鐵站行過去3分鐘就到，餐廳地方都幾大，只係油煙重左少少～呢度分咗三個唔同價錢嘅套餐，都係放題任飲任食，只係食物嘅種類有唔同，我哋就選擇中位價的世子御膳～有多達20款的肉類選擇，仲有好多韓國料理、小食添，首先店員會送上韓式錢財如泡菜、芽菜、淹薯仔等等，燒烤爐旁邊仲有蒸蛋及迷你薯仔添，我哋三個女仔嘅食量都唔細㗎～肉類方面我哋最推介五花腩、LA牛排骨、牛脷、照燒牛五花肉、特級豬頸肉、牛肉醃漬叉肉，肉質新鮮幼嫩～仲有海鮮好似肥美的生蠔、大大隻的凡立貝、新鮮蝦、爽口的魷魚～另外仲有串燒類，最愛雞肉雞腎、香草五花肉、豬皮～職員會時不時過嚟檢查烤盤是否需要更換，上菜速度都好快，基本上沒有漏單～另外仲有好多韓國美食包括泡菜煎餅、生牛肉石鍋飯、醬油蝦、海鮮豆腐湯、炒辣年糕等等，絕對滿足喜歡食韓國嘢嘅朋友～最後like同share佢哋嘅Facebook 仲會有韓國雪條送～二百幾蚊有咁嘅質素絕對抵食，下次要同屋企人再嚟食！