一品雞煲火鍋

Open Now

Now Closed

平時去雞煲既地方通常得雞。唔好誤會，我唔係講緊廢話。呢到正既係，有牛什雞煲。雖然我唔食牛什，但對男友黎講有得兩全其美就真係perfect啦！因為得兩個人，只係叫左半隻。價錢都算係咁。 姐姐好好服務，得閒過黎幫我地搞，一路搞就已經覺得好香。等左20分鐘到總算食得！雞同牛什都好入味！我地叫左小辣微麻，辣度幾好。肉質都鮮，唔會話太硬。之後就叫左d吸味小食！包括枝竹，粉絲同鮮冬菇。識食呢？鮮冬菇煮到好腍，索晒d汁後就變左麻辣冬菇。