橫浜水產磯燒+遛Local Bar@Grill & Hot Pot (Closed)

今日嚟到油麻地搵野食，去到呢間橫浜水產。呢度地點都好方便。呢度嘅風格好實幹，平實，絕無花巧。入面好闊落，坐得都幾舒服。環境都幾乾淨企理。呢度係同時可以打邊爐，又可以食燒肉嘅。所以可以一次滿足兩個願望，非常之好。有好不同套餐，亦有多種湯底可以選擇。我就揀咗沙嗲+牛奶海鮮。跟餐有個海鮮拼盤，大大份可以食到飽飽。外面仲有好多火鍋燒烤配料可以隨便夾，食到飽。仲有飲品任叫，除咗一般嘅汽水，仲有自製特飲。我就叫咗杯士多啤梨乳酪，好有特色。正。食火鍋周燒烤都唔少得牛肉，佢地嘅牛肉無論火鍋定燒烤，整完一樣牛味十足。最重要都係可以選擇燒定烚。