Video
Read full review
2019-06-24
84 views
表姐突然興起想食台灣菜又想食下點心 上openrice見到尖沙咀有間餐廳可以滿足佢兩個願望我地點咗性價比高嘅午市商務二人套餐 包括涼菜小食 精美小菜 老火靚湯 麵或飯 以及甜品先飲個老黃瓜豬踭煲赤小豆老火湯 清暑祛濕飲完唔會口乾 無添加味精 夠真材實料開胃涼菜小食揀台灣特色嘅鹽水雞(例) 金黃色雞皮下係軟嫩香滑雞肉 入口肉汁帶鹹香但無過濃 香油 胡椒鹽反而引出雞肉原味 絕對比得上台灣夜市小食檔嘅味道精美小菜就食三杯雞 原煲上檯仲係滾緊同埋發出嗞嗞聲配合蒜頭 九層塔 薑片以及秘製醬汁炒起 散發陣陣米酒香氣 新鮮滾熱辣 雞肉色澤誘人肉質依然嫩滑帶麻油香 醬油上色滲透雞件內外 而且雞件份量多 用埋黎送飯一流 平煸四季豆 加入肉碎 蒜粒爆香 四季豆炒至軟腍嫩甜火喉啱啱好 唔會過老或者有渣 非常惹味滷肉飯肉粒肥瘦相間 每粒都好有咬口 而且多汁可以撈飯細細碗台南擔仔米 面層有大量肉燥 加上醬汁與清湯融合 越食越濃香 而且份量都唔少 好夠食另外我地又叫咗台式小籠包及招牌雪影叉燒包前者皮薄多餡 輕輕咬開肉汁湧現 豬肉餡彈牙配上浙醋食用 一口一隻最滋味 後者有別於一般叉燒包 外層質地厚實焗至微金黃帶脆入
上openrice見到尖沙咀有間餐廳可以滿足佢兩個願望
我地點咗性價比高嘅午市商務二人套餐
包括涼菜小食 精美小菜 老火靚湯 麵或飯 以及甜品
先飲個老黃瓜豬踭煲赤小豆老火湯 清暑祛濕
飲完唔會口乾 無添加味精 夠真材實料
開胃涼菜小食揀台灣特色嘅鹽水雞(例)
金黃色雞皮下係軟嫩香滑雞肉
入口肉汁帶鹹香但無過濃 香油 胡椒鹽反而引出雞肉原味
絕對比得上台灣夜市小食檔嘅味道
精美小菜就食三杯雞 原煲上檯仲係滾緊同埋發出嗞嗞聲
配合蒜頭 九層塔 薑片以及秘製醬汁炒起
散發陣陣米酒香氣 新鮮滾熱辣 雞肉色澤誘人
肉質依然嫩滑帶麻油香 醬油上色滲透雞件內外
而且雞件份量多 用埋黎送飯一流
平煸四季豆 加入肉碎 蒜粒爆香 四季豆炒至軟腍嫩甜
火喉啱啱好 唔會過老或者有渣 非常惹味
滷肉飯肉粒肥瘦相間 每粒都好有咬口 而且多汁可以撈飯
細細碗台南擔仔米 面層有大量肉燥 加上醬汁與清湯融合
越食越濃香 而且份量都唔少 好夠食
另外我地又叫咗台式小籠包及招牌雪影叉燒包
前者皮薄多餡 輕輕咬開肉汁湧現 豬肉餡彈牙
配上浙醋食用 一口一隻最滋味
後者有別於一般叉燒包 外層質地厚實焗至微金黃帶脆
入面係滿滿被蜜餞包圍嘅叉燒 正宗外脆內軟
真心覺得一籃三個唔夠滿足 要食足兩籃先開心
整體都係高水準之作 小菜有台灣地道風味
點心切合廣東口味
據聞晚市都非常出色 下次要同埋父母一齊黎品嘗
Post
