Video
Read full review
2022-09-26
28 views
好朋友知我鐘意食 Omakase，見到呢間近我又係新開張，一早 book 定枱一齊食，餐廳裝修風格走日系風，仿如置身於日本地道鮨店一般，平時食Dinner Omakase多數都係壽司、刺身同料理，佢地最近推出左Seasonal Special，將壽喜燒加入Omakase，一次過滿足哂兩個願望😍Dinner Seasonal Special ($880/person)前菜1點🌽前菜係北海道白粟米，可以生食既白粟米，非常香甜季節刺身3款🦪雙生蠔第一款刺身係雙生蠔，蠔身飽滿滑口，上面蘿蔔蓉、蔥花、酸汁同柚子調味，味道鮮甜😚🐚石垣貝 第二款刺身係石垣貝，師傅先拍打貝肉刺激神經，口感爽口彈牙，加埋少少青檸汁調味更能提鮮🐟秋刀魚準備踏入秋季又到食秋刀魚既季節，秋刀魚好肥美， 加埋薑蔥同豉油，唔洗再加額外調味都好好食🍣壽司5貫1️⃣打頭陣既係金目鯛壽司，師傅先將魚生炙燒過，魚油甘香2️⃣手釣池魚油份均勻，野生既池魚口感嫩滑，加入少少薑蔥同豉油調味就好足夠💯3️⃣大拖羅大拖羅好肥美，加左少少wasabi更加突顯其豐腴既魚油，入口即溶既感覺好正😍🥰4️⃣佢地既海膽來自北海道登別市，非常鮮甜滑溜，上面加左紫菜粉調味，口感
好朋友知我鐘意食 Omakase，見到呢間近我又係新開張，一早 book 定枱一齊食，餐廳裝修風格走日系風，仿如置身於日本地道鮨店一般，平時食Dinner Omakase多數都係壽司、刺身同料理，佢地最近推出左Seasonal Special，將壽喜燒加入Omakase，一次過滿足哂兩個願望😍
Dinner Seasonal Special ($880/person)
前菜1點
🌽前菜係北海道白粟米，可以生食既白粟米，非常香甜
季節刺身3款
🦪雙生蠔
第一款刺身係雙生蠔，蠔身飽滿滑口，上面蘿蔔蓉、蔥花、酸汁同柚子調味，味道鮮甜😚
🐚石垣貝
第二款刺身係石垣貝，師傅先拍打貝肉刺激神經，口感爽口彈牙，加埋少少青檸汁調味更能提鮮
🐟秋刀魚
準備踏入秋季又到食秋刀魚既季節，秋刀魚好肥美， 加埋薑蔥同豉油，唔洗再加額外調味都好好食
🍣壽司5貫
1️⃣打頭陣既係金目鯛壽司，師傅先將魚生炙燒過，魚油甘香
2️⃣手釣池魚油份均勻，野生既池魚口感嫩滑，加入少少薑蔥同豉油調味就好足夠💯
3️⃣大拖羅
大拖羅好肥美，加左少少wasabi更加突顯其豐腴既魚油，入口即溶既感覺好正😍🥰
4️⃣佢地既海膽來自北海道登別市，非常鮮甜滑溜，上面加左紫菜粉調味，口感更加creamy
5️⃣新鮮左口魚邊配櫻花蝦
最後一款壽司就係左口魚邊，新鮮既左口魚邊經過炙燒後可以迫出魚油，上面加左脆卜卜既櫻花蝦，口感層次非常豐富
🥘壽喜燒 (安格斯肉眼2片) 配白飯
食飽壽司之後就到主角壽喜燒出場啦，大廚會係席前烹調壽喜燒，先用牛脂肪起鍋，聞到好香既牛肉味，會先詢問食客想要既生熟程度，我就揀左七成熟，另外會有蛋黃同醬油做汁可以蘸埋一齊食，值得一提既係佢地既蛋黃係預先醃製兩小時，而醬汁都係用牛肉煮成，安格斯肉眼脂肪分佈平均，牛肉味香濃，配白飯一流👍🏻👍🏻👍🏻
食飽牛肉之後仲有配料，分別係豆腐、菜、粉絲同菇，好欣賞佢地個壽喜燒汁唔會好甜，粉絲吸收哂個汁既精華，特別好食😋
🥣湯
味噌湯都用料上乘，加入生海苔同滑子菇等配料，食飽暖胃一流🥰
🍵鶴之茶
接近尾聲嗰陣店員為我地送上一杯熱既鶴之茶，可以清清口腔內既味道同解膩，非常貼心
🍨甜品
雪糕口味有薑、杏仁咖啡、提子冧酒同士多啤梨四個口味，我就揀左杏仁咖啡，好香咖啡味之餘仲有杏仁粒增加口感😚😚
Post
