鐵板燒雪舟

Open Now

Now Closed

是日老闆請食聖誕飯，一早book左哩度，入到去見都差唔多坐滿。午餐Menu有好多選擇，而且有內容好豐富！午市套餐 288 已經包括有西湯、沙律、帶子+蝦、主菜、日湯、炒飯、炒菜、甜品及咖啡！估佢唔到咁抵食！而且師傅o係正你前面煮，鍾意脆D軟D都可以同佢講，仲見地有其他客人加隻蛋o係炒飯上面添！本來以為食得鐵板燒就梗係食牛啦！雖然個牛胸係幾好食，但我個人覺得個銀鱈魚先係最好食。下次試埋雞先。值得留意既係黎得哩度食既人都一定唔可以係趕時間，佢逐碟逐樣咁上，其實唔經唔覺都已經食左差唔多個半至2個鐘。