Video
Read full review
2022-11-13
149 views
三心兩意想食雞煲又想打邊爐又想食燒肉，朋友話之前喺筲箕灣食過呢間餐廳嘅分店，可以滿足曬我咁多個願望。首先上雞煲，一打開煲蓋就聞到好濃烈嘅麻辣香，令人食指大動，雞件煮得好入味。然後上刺身拼盤，六款刺身都好新鮮，留意返刺身唔係任食嘅，如果想添食要另外加錢。我哋食過就算因為套餐仲包打邊爐同燒肉，所以就唔另外加錢lu 。食完雞煲之後換咗鐵板開始燒肉，美國黑毛和牛肉味濃郁，燒完之後勁香油脂味，我鍾意加啲蔥花一齊食。我哋揀咗藥膳湯底嚟打邊爐，如果想食鴛鴦鍋嘅朋友只需要加$30。邊爐配料選擇繁多，湯底足料，所有食物淥完之後都好入味！雖然好飽，但movenpick嘅雪糕都係要食嘅😌呢餐真係好滿足，嚟緊要努力啲做運動消耗返至得！
首先上雞煲，一打開煲蓋就聞到好濃烈嘅麻辣香，令人食指大動，雞件煮得好入味。
然後上刺身拼盤，六款刺身都好新鮮，留意返刺身唔係任食嘅，如果想添食要另外加錢。我哋食過就算因為套餐仲包打邊爐同燒肉，所以就唔另外加錢lu 。
食完雞煲之後換咗鐵板開始燒肉，美國黑毛和牛肉味濃郁，燒完之後勁香油脂味，我鍾意加啲蔥花一齊食。
我哋揀咗藥膳湯底嚟打邊爐，如果想食鴛鴦鍋嘅朋友只需要加$30。邊爐配料選擇繁多，湯底足料，所有食物淥完之後都好入味！
雖然好飽，但movenpick嘅雪糕都係要食嘅😌
呢餐真係好滿足，嚟緊要努力啲做運動消耗返至得！
Post
