焱手工涮涮鍋 (Closed)

又一間新開涮涮鍋店，裝潢雅緻，有舒適環境。橫掂今晚約了囝仔去買電腦，順路試下。平時食開湯底只可揀兩款，一次過可試三種不同的是第一次啊。於是乎揀了火焰清酒煮蜆螺，人蔘藥膳和蛋白球配龍躉魚湯。火焰清酒煮蜆螺無非搞搞新意思，小朋友見到一定開心。味道方面尚算ok, 有輕微的酒香。蜆隻，螺隻好鮮嫰。人蔘藥膳鍋底有點過於清淡。反而龍躉魚湯有鮮甜味，其實面層大大嚿的蛋白只作裝飾吸引人注意，達到效果了。有啲似軟滑蛋糕口感。紫貝天葵是自家出品，味道帶甜，聽講可解熱。亞囝最鐘意食牛，揀了碟美國牛頸脊，貪其用質夠鬆軟，果然有牛香，軟熟。響鈴即叫即炸，不油膩，好好味。蔬菜藍一望已知新鮮，有著翠綠的色澤。手打火辣牛丸，蟹子海鮮軍艦，鮮蝦雪條棒，三層樓墨魚磚全部都是自家製的，賣相不錯。手打火辣牛丸慢慢滲透出麻辣味，勁醒胃。蟹子海鮮軍艦有豐富口感。鮮蝦雪條棒好可愛，口感爽弾。三層樓墨魚磚製作需時有心思，有嚼口。海鮮類揀了蟶子，魚片。品質夠新鮮，好鮮甜。最後加送木糠布甸甜品，今晚真的好飽足。