野郎Stone Ya Rou Stone

Open Now

Now Closed

今晚好豐富，牛痴的我又出動。放工後一支公走去北角滙嘆一吓我最鍾意的蒸牛肉。點解鐘意？是因為清淡，不覺得膩喉。食肉類食得如此清淡，罪惡感都少啲。上枱時其實己蒸好，放在電磁爐上，可保持溫度。上層是牛小排，下層是多款蔬菜。將牛肉包裹著蔬菜，再蘸胡麻醬，聽講呢種食法是沖繩食法。入口層次豐富，好清爽，蔬菜中和肉類的飽滯感，相當不錯。請明係牛痴，無理由只得蒸牛肉一味，另加了一個石燒芝士和牛漢堡扒。嘩！吱吱響！一啖一啖放進口，芝味牛味共融，好正啊！追加$30大元，有前菜，飯，薯茸，湯和飲品，真係飽到行唔郁啊！