喜亭軒 (Closed)

今次去咗旺角呢間集齊晒燒肉雞煲打邊爐嘅仼食放題🔥(筲箕灣仲有另一間架)，學我細佬話齋真係夠晒邪惡同熱氣呀🤣。我哋揀咗美饌B雞燙海鮮放題套餐(美國SRF黑毛和牛)🐮，星期一至四正價時段盛惠$308🤪。一開始就可以揀咗湯底先🍲，我地就揀咗潮味沙嗲湯底。留意👀翻鴛鴦同某啲湯底係要加錢架🤑。跟住就可以掃qr code慢慢揀野食，好欣賞呢到可以一件件咁叫👏🏻，因為一定有d野剩係得你想食或者食少少🥹。(Tmi:我成日自己食哂成兜娃娃菜同金菇🙃。)係等野食嘅同時就可以食住個刺身拼盤先🍣，仲包咗和牛拼盤同海鮮拼盤🐠。雞煲叫左小辣，雞夠滑同惹味👍🏻，不過覺得下次可以叫中辣😝。雞煲同火鍋係同時煮嘅，真係食都食唔切呀🤣。熟食剩係叫咗椒鹽雞軟骨，都幾推薦呀，炸蒜一齊炒夠惹味。😚另外雖然本身有碟和牛拼盤🥩，但鐘意食牛嘅我梗係要叫肥牛啦🤓。我個人覺得肥牛大塊d適合打邊爐多d😌，和牛拼盤拎黎韓燒正d😏。另外手打蝦滑🍤，海蝦同牛柏葉都幾推薦👍🏻。試咗生菜同油麥菜都好甜🥬。雞煲唔夠可以refill，夠就可以叫職員轉韓燒板繼續食😎。飲品方面都係有各式氣水🥤，啤酒🍺，茶。呢到仲有自家製嘅柑桔青檸檬汁同爆珠椰果百香果汁添🍹。