堅韓牛韓燒放題 (Closed)

📍旺角 堅韓牛韓燒放題📍好想食燒肉，出開旺角，就搵到呢一間堅韓牛韓燒放題，睇相覺得啲牛肉好靚，於是就嚟試吓。一入到去，冇乜油煙味，環境都好闊落，坐得舒服。既然嚟得，就揀咗一個最貴嘅Level 3 Set：可以食到澳洲、日本、韓國最靚嘅牛肉。而家做緊推廣，仲送一份三國靚和牛，係放題冇得叫嘅肉！呢一份三個靚和牛真係不得了，每一塊啲油脂分布都好平均，肉香十足！大大推薦。放題可以揀好多款肉，韓燒我就最鍾意食燒豬肉、燒五花。驚喜係有原塊韓國黑毛豬五花肉，整塊咁燒好過癮，豬肉嘅味道都好香，但唔會腥，用嚟包生菜蒜片簡直一流！值得一題，喺呢度嘅生菜都係任添㗎。其他款嘅牛肉，全部都好好食👍🏻。仲有得叫刺身，三文魚、北寄貝、甜蝦、墨魚，最基本嘅刺身都有，味道都唔錯。呢間餐廳仲可以打邊爐，不過我呢一次韓燒就已經好飽，所以就冇試埋佢嘅打邊爐。飲品都係任飲！有兩個雪櫃。整體嚟講，好滿意😀😝👍🏻。