仿膳小館 (Closed)

今次係我第1次o係openrice為餐廳下評語, 雖然唔係最近食過, 但係10多年來一直都係常客, 絕對講得上係樂富仿膳既熟客仔, 我認為呢間上海菜館有好多野大家可能miss左.首先, 個人最喜愛既一味係蔥燒遼參, 用既係真正既刺參, 同市面上常見既婆參唔同, 雖然係貴d, 但係遼參(刺參)本身都係貴價野, 一分錢一分貨!松子黃魚(或者其他魚)又係good, 鍾意食酸甜既實o岩.佢地既大蝦亦好好味, 大隻得黎爽口彈牙, 又好幾種煮法任君選擇, 我覺得最好味既係京醬燒(唔太肯定個名)佢地既小籠包亦好好味, 入面既湯好足.湯方面, 砂鍋雲吞雞值得推介, 好滑好甜, 抵食過翅!甜品喇喎~ 豆沙鍋餅同高力豆沙香蕉都幾出名, 只不過最正既一定係拔絲! 拔絲蘋果/拔絲香蕉都係咁好食, 但係由於功夫多, 佢未必成日肯做, 撞正旺場既日子就未必食倒喇, 同埋就算肯做都要等20-30分鐘, 建議一開始點菜既時候點埋.講真, 佢地既食物質數好高, 亦有相當穩定既水準, 以呢個價錢食倒咁正既上海菜真係冇乜邊度有!ps. 服務態度一流! 不少員工更加有講有笑.pps. 呢度仲有大閘蟹食, 不過當然係要食大閘蟹