Coffee Art

Open Now

Now Closed

觀塘工業區依家都唔工業區，假日都成為行街嘅好地方。喺依個繁雜嘅地方，竟然有間特色優閒小店，專賣特色咖啡。環境裝修別具心思，感覺完全唔似係喺工業區中，簡直比美尖咀中環。聽返負責人講，原來佢哋嘅咖啡喺唔落糖！點解呢？因為健康？原來因為佢哋堅持品嚐咖啡豆嘅原味。唔同其他舖頭嘅地方喺佢哋用豆嘅比例調配得啱啱好，完全做出擁有自己特色嘅咖啡。而且價錢非常大眾化！因為我唔飲得奶，我自己就叫咗杯 Espresso，女朋友就叫咗杯 Latte！嘩，依杯 Espresso 真喺好特別，完全品嚐好特別嘅味道！苦之中帶點甘香，而且好有層次感，又比較甜身！喺連鎖店根本飲唔到依種味道！我女朋友杯 Latte 超可愛，有隻超可愛嘅咪星人，真喺唔捨得飲，可見師傅好有心思同超熟練嘅技巧！我自己都試咗啖，真喺好香滑，味道又濃郁！總括嚟講，依間小店真係好有心思，，完全適合繁忙嘅香港人！