Video
Read full review
2021-01-03
811 views
今日又去左太和呢邊搵朋友，於是我地又去食串燒啦。呢到嘅串燒都幾多款，雖然食串燒都好難講求健康，不過我地唔同種類嘅串燒都叫左啲，懶係營養均衡咁（其實只係因為為食，乜都想食）。落單係用電話落單嘅，不過都有紙嘅menu可以用筆圈起野食落單都得。叫左以下呢幾種串燒：🦆美味鴨胸串 $19🐣炭燒雞扒 $32🐥鹽燒雞中翼 $19🐮新鮮牛肉串 $22🍄串燒雞髀菇 $16🐷燒厚切五花腩串 $32🐑紐西蘭羊架 $36🥬蒙古燒韭菜 $16🍗燒雞軟骨 $15🐔燒雞皮串 $16🐄安格斯一口牛 $33🍢台灣燒香腸 $19🐄沙爹雞肉串 $19🦪蒜香燒生蠔（每隻）$26🌭司華力腸串 $22串燒係即叫即燒嘅，所以叫得多串燒嘅話可能要預返耐少少嘅時間。最後見到好多串燒一次過上檯嗰陣好興奮，好多好開心。一次過所有香味湧埋黎，正。肉類嘅串燒嘅調味唔會過多，主要係用蜜糖燒，同埋少少胡椒粉嘅辣味，咁樣就唔會過鹹，甜甜地又可以食到食材本身嘅味道。同埋燒得表皮好香脆，肉又幾滑，外脆內軟。台灣燒香腸超正，咬落去嗰下我「哇」左一聲。同埋鴨胸我都覺得係燒得好正嘅。感覺上店員拎一碟碟嘅串燒過黎嘅次序係有精心安排過，係先由淡味啲嘅串燒開始，之
落單係用電話落單嘅，不過都有紙嘅menu可以用筆圈起野食落單都得。
叫左以下呢幾種串燒：
🦆美味鴨胸串 $19
🐣炭燒雞扒 $32
🐥鹽燒雞中翼 $19
🐮新鮮牛肉串 $22
🍄串燒雞髀菇 $16
🐷燒厚切五花腩串 $32
🐑紐西蘭羊架 $36
🥬蒙古燒韭菜 $16
🍗燒雞軟骨 $15
🐔燒雞皮串 $16
🐄安格斯一口牛 $33
🍢台灣燒香腸 $19
🐄沙爹雞肉串 $19
🦪蒜香燒生蠔（每隻）$26
🌭司華力腸串 $22
串燒係即叫即燒嘅，所以叫得多串燒嘅話可能要預返耐少少嘅時間。最後見到好多串燒一次過上檯嗰陣好興奮，好多好開心。一次過所有香味湧埋黎，正。
肉類嘅串燒嘅調味唔會過多，主要係用蜜糖燒，同埋少少胡椒粉嘅辣味，咁樣就唔會過鹹，甜甜地又可以食到食材本身嘅味道。同埋燒得表皮好香脆，肉又幾滑，外脆內軟。
台灣燒香腸超正，咬落去嗰下我「哇」左一聲。同埋鴨胸我都覺得係燒得好正嘅。
感覺上店員拎一碟碟嘅串燒過黎嘅次序係有精心安排過，係先由淡味啲嘅串燒開始，之後先慢慢到濃味啲嘅。
食完啲肉類之後，就到濃味少少嘅蒜香燒生蠔，生蠔同蒜蓉一齊燒真係好香好正。
最後一碟係最濃味嘅蔬菜類。蔬菜類嘅串燒調味就多啲，有孜然粉同辣粉，蔬菜索曬啲調味都好正。
韭菜好大條，抵。
特別想提一提個雞髀菇，燒完都唔會太乾，咬落去嗰下仲爆汁架。正到食左一舊先記得影相。
因為朋友話覺得食串燒要飲返幾啖酒先有風味，所以佢又叫左兩杯酒比佢自己飲。佢叫左兩杯新力手工啤酒。
對於啲酒，佢嘅評價係咁：
🍺新力手工啤酒 $43
啤酒口感滑身，可以飲到有麥味，飲落唔會話好苦，都算幾易入口。食串燒飲啤酒就當然係人生一大樂趣啦。
餐廳入面播住台灣歌同廣東歌。隔離仲有個電視mon播住mv。望住五月天咁食串燒好開心！
呢間串燒雖然隱世，但真係幾好食。多得朋友帶我黎食，先知香港有間咁正嘅串燒。
Post
