Pizza Maru (Closed)

Pizza Maru 位於美麗華4樓食四方，朋友話依家嘅韓國美食，又平又抵，但係我哋依度共進晚餐。開放式嘅餐廳，光線明亮，服務員親切有禮，適逢食飯時間，好嘢就梗係要等位㗎啦，但係好快，服務員哥哥就已經安排左兩個位俾我哋，果然快手呀。Pizza既選擇有好多，睇到眼花撩亂，真係有選擇恐懼症啊，到最後揀咗呢款群蟹派對，仲加咗芝士邊，無辦法啦我哋兩個芝士控。我地叫左個細既，上面好多蟹同蝦肉，充滿住韓式既醬汁，芝士邊夠曬邪惡，想減肥？下次啦。由於有選擇恐懼症，炸雞，我哋揀咗兩隻味，甜辣醬同牛油蜜糖，我自己就偏向牛油蜜糖多啲，因為聞落去好香甜，份外窩心，新鮮炸起，金黃色，十分之脆身，裏面嘅雞，保持肉汁嘅水亂，而且肉質好滑，一啲都唔會加到乾身，就算連雞胸都唔會鞋口，果然好味呀。帶子紅菜頭意粉，帶子夠晒大啦頭先同菜頭意粉粉紅色，完全俘虜咗我呢個少女嘅心，原來裏面仲有一啲明太子，辣辣地麵質又彈牙，真係食到停唔到口呀。