十和田壽司 (香港科學園)

Open Now

Now Closed

每次放假唔知同小朋友做咩，都會走嚟科學園活動下，而呢間就係我必去嘅餐廳之一。首先因為佢近一間超級市場，所以食完嘢又可以過隔離買下嘢飲，消費完仲可以free parking，一舉幾得。二來就係呢間餐廳又大，環境又好，彩光度好高，淨係坐喺度望住個風景都覺得心曠神怡。佢食物選擇好多，基本上有一半嘅枱數都係有小朋友。我揀咗雜錦魚生丼，已經叫咗少飯，但刺身同飯嘅量依然係極多，兩個人食都夠！刺身新鮮，夠甜，係性價比極高嘅選項！老公就揀咗鯖魚定食，蒸蛋好滑，魚即叫即煎，夠熱、皮脆肉juicy。你小朋友我哋就叫咗個蟹柳飯卷，份量剛剛好。