Video
Read full review
2021-10-10
222 views
唔經唔覺，疫情已經持續差唔多兩年，我哋一路都好掛住去日本旅行嘅日子，奈何依家仍然未能夠通關。為咗一解思鄉之愁，我就同朋友特登請半日假，去咗馳名嘅《天吉屋》食日本嘢。不愧係日本過江龍，間店一早就有唔少捧場客。我哋去到門口個陣，就已經見到好幾對情侶喺度排隊等候。好彩我哋等咗唔夠十分鐘就入得去姐！侍應帶我哋去到木製牌匾附近嗰張枱坐低，成個擺設好有日本風格，令我哋有一種置身新宿大街嘅感覺。呢間餐廳最出名係即叫即炸嘅天婦羅丼，我哋當然都要朝呢個方向點餐啦！因為疫情關係，部份菜式限量供應。本身我同朋友已經打算食唔到椰菜沙律之類，點知佢哋今日都有提供，好幸福呀！我哋一邊飲住牛蒡茶，一邊食高纖有益嘅牛蒡漬。呢度無限添加嘅牛蒡漬帶點酸鹹，口感爽脆，好啱做開胃菜。食完牛蒡漬之後，我同朋友依然十五十六，唔知order咩天婦羅餐好。喺呢個時候，侍應又拎咗兩碟椰菜絲同柚子醋上枱，佢哋話椰菜絲都係無限添加㗎！我朋友本身好怕食酸野，但佢覺得加咗柚子醋嘅椰菜絲，味道酸得嚟啱啱好。開餐之前，當然唔少得飲番碗熱焫焫嘅麵豉湯喇！值得一讚嘅係呢個湯冇咩味精，飲完之後唔會好口乾。天幕御膳 $148作為天吉屋特別推薦嘅丼飯，當然
不愧係日本過江龍，間店一早就有唔少捧場客。我哋去到門口個陣，就已經見到好幾對情侶喺度排隊等候。好彩我哋等咗唔夠十分鐘就入得去姐！
侍應帶我哋去到木製牌匾附近嗰張枱坐低，成個擺設好有日本風格，令我哋有一種置身新宿大街嘅感覺。
呢間餐廳最出名係即叫即炸嘅天婦羅丼，我哋當然都要朝呢個方向點餐啦！
因為疫情關係，部份菜式限量供應。本身我同朋友已經打算食唔到椰菜沙律之類，點知佢哋今日都有提供，好幸福呀！
牛蒡漬
19 views
0 likes
0 comments
我哋一邊飲住牛蒡茶，一邊食高纖有益嘅牛蒡漬。呢度無限添加嘅牛蒡漬帶點酸鹹，口感爽脆，好啱做開胃菜。
椰菜沙律
24 views
0 likes
0 comments
食完牛蒡漬之後，我同朋友依然十五十六，唔知order咩天婦羅餐好。喺呢個時候，侍應又拎咗兩碟椰菜絲同柚子醋上枱，佢哋話椰菜絲都係無限添加㗎！我朋友本身好怕食酸野，但佢覺得加咗柚子醋嘅椰菜絲，味道酸得嚟啱啱好。
22 views
0 likes
0 comments
開餐之前，當然唔少得飲番碗熱焫焫嘅麵豉湯喇！值得一讚嘅係呢個湯冇咩味精，飲完之後唔會好口乾。
天幕御膳
$148
13 views
0 likes
0 comments
天幕御膳 $148
作為天吉屋特別推薦嘅丼飯，當然有佢嘅獨特之處。天幕御膳包含咗黑虎蝦、軟殼蟹、海紅鯛配紫蘇葉；仲有一系列雜錦炸物、四季豆、茄子、南瓜……真係要咩有咩。享用呢一個御膳有一個特色，就係有三種唔同食法任君選擇，一次過帶俾你三種唔同體驗。
34 views
0 likes
0 comments
我哋按照指示牌，逐一享用呢款御膳。就我個人而言，我最鍾意第三種食法——天茶泡飯，可能因為我本身好喜歡佢哋主廚特別秘製嘅高湯「鰹魚湯」，口感清甜鮮美得嚟又唔油膩，堪稱一絕！值得一提嘅係，呢度嘅白飯可以任添㗎，我朋友食咗足足兩大碗飯啊！
軟殼蟹丼
$158
12 views
0 likes
0 comments
軟殼蟹丼 $158
我哋另一個餐就叫咗香港限定嘅軟殼蟹丼。材料當然唔少得軟殼蟹，仲有皇帝菜櫻花蝦、溫泉蛋、茄子、南瓜等等。炸到金黃色嘅軟殼蟹一分為四，啖啖蟹肉肥美異常，蟹膏味道濃郁，令人愛不釋「口」。
我朋友就好鍾意皇帝菜櫻花蝦，因為櫻花蝦殼鬆軟得嚟口感又香，畀人有一種想大口豪邁嚼蝦嘅慾望；配搭埋皇帝菜，簡直係健康之選。加上拌飯一流嘅溫泉蛋，我哋完全食得出呢個丼飯嘅靈魂。
食咗咁多嘢，當然唔少得飲多兩杯牛蒡茶作結喇！呢次體驗真係帶畀我哋遊歷日本一趟嘅美好感覺。See you next time!
Post
